MARLÈNA Mandheng sello’ maskabin ḍâri Mahfud. Sello’ emmas 2 grâm, sè nyimpen kaoḍi’ân bân aèngmata sè ta’ cokbhâ aghili.
Baca Juga:Binena Sahramo
Marlèna paḍâ ngen-ngangen sello’ sè èpasang è sala sèttong ghârighi’na Mahfud, abârna bungo, sè paḍâ nyimpen carèta sè ta’ cokop ètolès kalabân mangsèn salèbârrâ saghârâ. Sello’-sello’ kasebbhut ghun karè carèta sè masakè’ atè sè loka, tor matalka ka ḍâḍâ.
“Lebbi bhaghus matè ètèmbhâng èdhina Ka’ Mahfud,” ca’na Marlèna.
“Orèng oḍi’ arèya ta’ ollè pegghâ’ pangarep,” ca’na sèngko’ bhâr-nyabbhâri Marlèna.
“Enjâ’. Bâ’na kodhu enḍâ’ matè’è sèngko’,”Marlèna mènta patè’è ka sèngko’.
Baca Juga:Caretana Asta Nyamplong
“Enjâ’. Carètana ghi’ lanjhâng sè ètolèssa.”
