Contoh Kosakata Serapan dengan Protesis "e" Bahasa Madura

Amarghâ oca’ bis panèka tamaso’ oca’ anyar tor korang sorop sareng keccabbhâ bhâsa Madhurâ, kantos oca’ kasebbhut èyobâ èparèngè vokal buwi (e) è âḍâ’ tor konsonan oca’ asal sè kabidhân; èrangkep.

Tantoèpon paramaos paḍâ ngânghâli manabi vokal buwi kodhu èpasèghek sareng konsonan. Oca’ bis dhâddhi ebbis. Parkara se kadhi panèka èsambhât protèsis.

Protèsis èngghi panèka marèngè (nambâi) vokal, konsonan, otabâ keccap è ḍâ’-aḍâ’na oca’ ka’angghuy maghâmpang maos. Akadhi conto oca’ è attas.

BACA JUGA: 5 Contoh Anekdot atau Paleggiran Bahasa Madura https://dimadura.id/5-contoh-paleggiran-bahasa-madura/

Contoh oca' serrebbhân protèsis "e"

Panèka contona ca’-oca’ manca sè ampon èpadhâddhi oca’ Madhurâ tor tamaso’ oca’ sè èprotèsis.

• ebbâl (ḍâri oca’: ball, bahasa inggris)
• ebbân (ḍâri oca’: ban, bahasa indonesia)
• ebbèl (ḍâri oca’: belI atau bel, inggris-indonesia)
• ebbis (ḍâri oca’: bus otabâ bis, inggris-indonesia)
• ebbom (ḍâri oca’: boom otabà bom, inggris-indonesia)
• eccap (ḍâri oca’: cap, bahasa indonesia)
• eccas (ḍâri oca’: charge, bahasa inggris)
• eccèt (ḍâri oca’: cat, bahasa indonesia)
• eccor: (ḍâri oca’: cor, tuang--semen, bahasa indonesia)
• eccop: (ḍâri oca’: cop, bahasa indonesia)
• ebbur: (ḍâri oca’: bor, bahasa indonesia)
• eḍḍus: (ḍâri oca’: kardus, bahasa Indonesia)
• ebbu'/eggut: (ḍâri oca’: got, tempat duduk dekat selokan, bahasa indonesia)
• eḍḍom (ḍâri oca’: dom/domino, bahasa indonesia)
• ehha’ (ḍâri oca’: haak, bahasa belanda)
• ejjâs (ḍâri oca’: jas, bahasa indonesia)
• ejjhâm (ḍâri oca’: jam, bahasa indonesia)
• ejjhin/ejjhim (ḍâri oca’: jin, bahasa indonesia)
• ejjus (ḍâri oca’: juice atau jus, inggris-indonesia)
• ellas (ḍâri oca’: las, bahasa indonesia)
• ekkos (ḍâri oca’: kous atau kaos, belanda-indonesia)
• ellèm (ḍâri oca’: lejm, bahasa belanda)
• ellès (ḍâri oca’: lesson dhâddhi les, inggris-indonesia)
• ellos (ḍâri oca’: los, bahasa indonesia)
• eppal (ḍâri oca’: paal (bahasa belanda) yang berarti patok, patokan atau tiang pembatas)
• eppas (ḍâri oca’: pas, bahasa indonesia)
• eppèl (ḍâri oca’: pil, bahasa indonesia)
• epplang (ḍâri oca’: plang, bahasa indonesia)
• epplat (ḍâri oca’: plat, bahasa indonesia)
• eppos (ḍâri oca’: post, bahasa inggris)
• errèm (ḍâri oca’: rem, bahasa indonesia)
• errok (ḍâri oca’: rok otabâ vrouwenrok (indonesia-belanda)
• esson (ḍâri oca’: sound, bahasa inggris)
• ettès (ḍâri oca’: test, bahasa inggris), tor laèn samacemma.

Salaèn conto è attas, bâḍâ jhughân oca’ sakeccap sè monḍhut ḍâri bhâsa manca sè aghuna’aghi protèsis "h", akadhi oca’: bhâb, ḍari oca’ bab bahasa Indonesia.

Demikian tulis Utsman dalam grup WhatsApp Komunitas Abdhi Dhâlem Songennep, Jumat 3 Mei 2024.

Pengaruh globalisasi dan perkembangan teknologi memberikan dampak yang signifikan terhadap evolusi bahasa.Dari adaptasi kata-kata asing di atas, kita dapat melihat betapa dinamisnya proses penggunaan bahasa dalam kehidupan sehari-hari, serta bagaimana bahasa terus berubah untuk mencerminkan perubahan sosial dan budaya.

Dengan memahami dan menghargai ragam kosakata serapan bahasa, kita dapat lebih memperkaya pemahaman kita akan kekayaan linguistik serta kompleksitas interaksi antarbudaya yang terus berkembang. Sekian, "Mator sakalangkong".***